牛油餐包

    

書內我牛油餐包，今天再做，也試試新爐，

做得不好，要多多與爐溝通才是，

麵糰我改用飯麴酵液，書內是用酵種的，都是用30%，

水份我減了15%，還是很重水份，但不黐手，

因我用KM打，跟本不用手摸它，如用手搓或控制不到，

可以減水5至10%試一次，控制得到才用70%水份。

雖然濕，但8分鐘己離盆，今次也是一個挑戰，用上450g粉，

一向我都是最好打350g，原來450g都得，下次也可試550g。

打好也是很濕的，入盒發一部大，再入雪柜發12小時。

12小時後己發夠了，粉糰也硬了一點。

快手分成小糰，也是黐手的，所以要快做型。

今次焗得不好的原因是2層一齊焗，上色不好，麵糰雖然黐手，

但焗好放上手，輕、軟、鬆，質地真不錯，

大家買了書，可試第52頁，第一次做，最好減5-10%水，

感一下天酵包的質感，喜歡才加回70%。

小山圓 x 小山卷

    

東海堂同小山圓合作了綠茶卷，小山進都可以同小山圓合作，

好香濃嘅綠茶味，小山圓好香濃，小山卷好鬆軟，

新爐第一次焗蛋卷，過咗火，以後要減火減時，

底火己隔咗個爐，都唔得，下次要加膠墊。

蜂蜜綠茶卷 (35cm x 25cm)     

材料：

A) 蛋黄108g      糖13g       蜂蜜25g

B) 低粉55g       綠茶粉10g                        

C) 蛋白144g       砂糖58g    鹽小許

D) 牛油13g          牛奶32g                               

餡 : 淡忌廉150g加砂糖10g打起，怕綠茶的苦澀味可加糖。

做法：

1. (A材料) 蛋黄和砂糖和蜂蜜混合，隔水加熱到40度，攪拌到變白。

2. (C材料) 蛋白打至起泡，加一撮鹽，打至细白泡沫，立刻分3次全部加入砂糖，打至提起有彎鉤。

3. 把1/2蛋白加入到蛋黄中，拌匀。篩入(B材料)低粉，拌匀。加入剩下的1/2蛋白切拌匀。

4. (D材料) 牛奶和牛油坐熱水，然後攪拌至乳化，均匀倒入面糊中，切拌均匀。

5.把面糊倒入鋪了油纸的焗盆上，下面再放多一個烤盆，放入180度的焗爐中，焗20分鐘至表面上色均匀。

6.焗好后把焗盆拿出，然后把蛋糕放在網上，解開四角的牛油纸放凉。

7. 放凉后撕去背面的牛油纸，蛋糕皮朝下鋪到新的油纸上。把打發的淡忌廉抹平，留下四邊， 加 酸車里子 ，卷起来，用油纸包好，過一會去除油纸。 

Ugly Chocolate Cake

小女由細到大，都好喜歡這個Ugly Chocolate Cake，

做這個蛋糕非常易，今年她生日，當然不用想其他，

一定做這個，朱古力非常濃，我給它中文名....醜朱古力蛋糕，

因為它的面部，出焗後一定會大裂的，可用糖粉或生果裝飾，

一向懶及裝飾弱勢的我，當然直接送上就算。

材料 (6"蛋糕一個) 

黑朱古力     65克  
牛油         50克  
鮮忌廉       65毫升
可可粉         40克 
低筋麵粉       20克  
蛋黃           三個  
蛋白            兩個 
糖        20克 + 60克 

1. 黑朱古力切碎置碗中，忌廉+牛油煮滾 。

2. 鮮忌廉倒入古古力中， 快手攪勻，加入已篩之可可粉 。

3. 蛋黃加20g糖打至淡黃， 加入古古力漿， 篩入麵粉 。

4. 蛋白打起， 分次加糖打成蛋白霜 。

5. 取少許蛋白霜與麵糊拌勻, 再將全部麵糊倒入蛋白內，上下輕手拌勻 。

6. 放入已預熱170度的焗爐，焗50分鐘 。

7.  熄火後再等多10分鐘才出爐 。

頂角白吐司更正

    

書中第41頁，白吐司的食譜，第11點，焗包的時間應該是15分鐘，

打成150分鐘是錯，請大家自行改正，如有機會再版時會改印。

物有所值

係連卡佛見到啲好靚嘅餐盒，價錢比一般的餐盒貴，

點解人地可以買咁貴呢? 一定有佢嘅原因，我經常相信，

一分錢一分貨，你比咁小錢人地，人地點會比好野你呢?

原來呢個餐盒大有來頭，除咗靚之外，佢係百份百防漏，

加上有矽膠氣孔塞及防漏蓋，唔洗啲小朋友漏到成個書包都係，

呢個餐盒係不含有害環境的BPA，只要打開個矽膠氣孔塞，

可以抵抗最高140度高溫，所以直接放入微波爐或蒸爐加熱，

是完全沒有問題的，可以放心使用。平時啲膠餐盒千萬唔好直接加熱，

呢個就唔同，仲可以放入洗碗碟機，唔會變型，咁我都放心小小比啲小朋友用。

2層設計，有啞面soft touch橡膠，加灰色帶綁實，我都可以用。

其實都有2層，可放到一碗飯及一碗餸，連我都夠食，

直接加熱方便得多，我連西班牙海鮮飯都可以帶番公司食。

有料冇料

有人要有料包，又有人要冇料包，一次過打350g粉，

分開一個包餡，紅梅合桃，一個唔包餡，

當然係我至愛，飯麴酵液，一次過滿足哂2班人，

呢個食譜係70%重水份，如果第一次做，

可以試減番5-8%水，可能會試控制啲，

當然70%水份，食落口都軟熟啲，

要睇個人喜好，自行調整。

整完香芽雞翼，有3枝香芽剩，煲2杯香芽茶，今晚應該會好睡啲。

公平芝士蛋糕

    

早幾日收到一間叫公平棧的機構，送上一些茶葉給我，

可能知我特別愛用伯爵茶來做甜品，當中有有機茉莉花茶及伯爵茶，

全部都是有機種植、天然無糖及無防腐劑的，

怎為之公平貿易呢? 原來這機構專當地農民及工人推動產品，

大部份的利潤再投資於推廣公平的貿易工作上，農民及工人，保證有合理的回報，

也可製造就業機會。

說回來怎做這蛋糕，先用忌廉浸茶葉，變成奶茶，

把茶葉打碎，直接放入麵糊內，

坐熱水焗，出爐有極清香的茶香味，所以亮點應該是茶葉。

伯爵茶芝士蛋糕  食譜6"-7"也可 (食譜改自日嚐甜品)

餅底         餅干碎 60g           牛油溶液 30g

餅干碎與牛油溶液拌勻，把餅乾混合物壓在餅模底，備用

芝士餡

忌廉芝士 330g      糖 75g     淡忌廉35ｇ     蛋 100ｇ     牛油 75g             

伯爵茶葉10g          伯爵茶包1-2個

製法:
1.  伯爵茶葉與淡忌廉煲滾，焗10分鐘，隔茶渣備用
2.  焗爐150度預熱, 蛋糕模掃油上粉
3.  將室溫忌廉芝士加糖打至軟滑.
4.  加入蛋拌勻, 再混合伯爵茶忌廉及茶包, 後加牛油溶液
5.  放入蛋糕模
6.  放入焗爐150度焗35分鐘.
7.  出爐後待涼, 脫模放入雪櫃雪凍, 即成.

今次還有花生糖給我試食，香脆得食不停口，好脆呵。

怕甜可配凍茶，睇波絕配。