知死

話說我個舊焗爐完成咗一個大任務之後，溫度都好低，

我以為佢快要死，(其實只係用咗4年)，

如果冇咗佢，我就冇人生樂趣了，終是承機接我一向心儀嘅法國靚仔番嚟，

一時手快，下午定了新爐，晚上再試探下個舊爐，憝住正式送佢一程，

點不知佢居然係30分鐘內，去到230度，(以前都未試過)，

仲焗咗一條有耳性、有窿窿及會唱歌嘅法棍出嚟，

哎，你早係咁，我就唔會唔要你啦，而加我諗諗辦法，

留埋你係度，你負責焗肉，法國靚仔負責焗包餅，

你倆個好好合作，共處一室，我就安落。

太甜蛋卷

一時老眼昏花，視力太差，買了一罐甜栗子蓉，

都唔可以用甜嚟形容，係超超超甜，攪到個靚蛋卷失色。

本來個蛋卷係好靚，

就係用咗呢罐超甜栗子蓉，攪到佢失色，

認住呢罐栗子蓉，平時我都係買佢，不過買冇糖嘅，

番嚟自己調味，但係有糖同冇糖，個樣係一樣，

只係要自己睇及問，是否冇糖，今次我就係冇問，衰咗。

以後要小心啲，睇清楚。

同場加送呢個朱古力旋風包，多餡小包，效果唔錯。

轉

上次做了日式芝士蛋糕，還有150g芝士在手，當然要盡快消滅它，

今次試用很多餅友愛戴的為食猫食譜，我也是第一次用，

質地輕軟，我略為加了小許糖，不用淡忌廉，

其實想焗得靚，只要堅持4個重點，

1上油， 2上粉， 3放底紙， 4坐水盆低溫慢烤，

慢慢與你的爐溝通，一定會做出靚的芝士餅。

一定要用密底焗盆，先上油，

後上粉，做了這步驟，入爐時麵糊受熱彭漲會一齊升高，

不會被沒有上油及粉的部分痴著，會很順暢地一起升高，

那個蛋糕面就不會裂了，當然也要配合細火坐水盆慢烤，

不可以大火，蛋糕上色後，可以用錫紙蓋著，焗至時間夠。

再放一張底紙，是易脫模的。

放熱水坐水盆焗

出爐略為放涼10分鐘

就會見到蛋糕邊自動脫離

這時可以脫模及撕去底紙，放涼，雪凍才吃是最好的。

如想高身一點，可放至9成入模，我只放8成，還分了一小個焗，

所以不高，質地非常細密，軟棉棉的。

日式芝士蛋糕    份量：6吋圓模

忌廉芝士100g                       牛奶64g   

無鹽牛油22g                        低筋粉13g

粟粉7g                             蛋黃2個  

蛋白2個                            糖43g
 

1. 忌廉芝士切成小塊，加入牛奶浸泡30分鐘，牛油座溶。

2. 忌廉芝士隔熱水加熱，邊攪邊加熱至無顆粒，再加入已溶牛油拌勻放涼。

3. 篩入麵粉及粟粉，加入蛋黃拌勻，再加入檸檬汁拌勻，如有顆粒可將麵糊過篩。

4. 蛋白打成粗發泡，糖分3次加入打至企身，提起攪拌頭，蛋白尖峰下垂。

5. 取1/3蛋白與麵糊混合，再將麵糊倒回蛋白霜中輕手混合，直至單一顏色。

6. 倒入模具，將模具在枱上輕敲幾下。

7. 用蒸焗法，以170度焗15至20分鐘至表面上色，然後用150度焗40分鐘，

   最後10至15分鐘要留意蛋糕面顏色。

幫人試包

同事買了新的天酵書，做了一次就話好濕好痴手，

於是我又幫佢試下，跟足個食譜做法，真係冇點你架，

做到架，唔信，明天的親自試下啦。

高粉100%  250g

酵種48%   120g

鹽2%   5g

糖5%  12g

奶6%   15g

水50%   125g

牛油4%   10g

芒果糯米卷

其實今次的芒果卷也是反面教材，我沒有把芒果切成長方型，

只是切開一半就算了，卷出來不美呵，問同事取來10g粘米粉，

自己又買一大包糯米粉，真的怎麼做也會有一大包粉在柜內，

有人想做這甜品嗎? 我可送你糯米粉的，

不過真的好吃，諗諗下次可卷什麼。

2條規6小件 - 自譜來自菲師奶

A) 糯米粉100g

粘米粉10g

糖25g

椰漿80g

水100g

B) 芒果2個

椰絲適量

1)  A 材料攪拌好，過3次篩，倒入噴了油的牛油紙內，中火蒜3分鐘，

厚薄自行調整時間。

2)放涼，灑上椰絲蓋上保鮮紙，反轉面，撕走牛油紙，

卷起用保鮮紙包好，雪凍切件吃。

食貴DD

我是芒果控，今年的芒果不算太大，細細的，一次過可吞下2個，

今次一次過入了4大個，2個做布丁，2個做糯米池，

做芒果布丁很簡單，也有很多做法，自從失去了我兒時的好味食譜之後，

我也沒有做過芒果布丁，就算做，也不抱大的興趣，因為，無論你怎做，也不會難吃的。

我選了肥媽的食平dd食譜，但把奶改用食貴dd的淡忌廉，也用上了2個芒果，做出3大杯。

芒果1個先打蓉

熱水1杯加1盒芒果唶哩粉攪勻，

加入一杯淡忌廉及芒果蓉，及加入另一個芒果粒，就是這樣，最好加一杯芒果雪糕，會更好吃。

2個芒果做3大杯，有忌廉，怎會不好吃呢?

芒果2個, 一個打蓉, 一個切粒,

芒果唶哩粉一盒

熱水一杯淡忌廉一杯(可用奶代)