深潤

 秋冬要潤，女人要潤，

清清地，木瓜雪耳煲南北杏，

飯後甜品我喜歡清，呢個合我意。

 

 

栗子炆雞

何能係一道好普遍的小菜，一到秋冬都會做，

 

栗子炆雞一定要買新鮮栗子，千其唔好買即食，

 

去皮將栗子排成圓形，用微波爐叮3分鐘，

 

就會好易脫皮，好似脫生花殼咁易。

 

先用水煲腍栗子

先醃雞，小油爆香雞，加入調味，小小水，

先中火4分鐘，細火4分鐘，加蔥焗5分鐘即可。

 再來栗子、雪耳、合掌瓜、粟米湯

 蒜蓉象拔蚌

清蒸金鼓

 

進補

秋冬人要進補，啲天酵都要，做多幾樽補下倉，

等到冬天都有得用，唔洗睇天做人。

 
 

有我至愛紅棗，及新玩意無水酵，

見到KB分享過，只要有水果隨意加糖，

過幾日出了酵液，就可直接做包，

做法就好似我地做酵素一樣，唔需要加檸檬即可以。

 

只係一晚就有小小酵液，等多幾日收成。

 

新地標@狗屋

 隨著YBolg的誕生，我結識了一大班朋友，稱之為網友，

第一代網友文妮，今天大展鴻圖，開了一間workshop，

主要是買自己設計及剪裁的狗仔衫，再加設了一個小廚房，

可以給煮婦朋友們落腳，本來我們每次生日飯也在外吃的，

今次改了在這裡煮及吃，真的有家的感覺，

簡直是一個6星級的家，以後我們多了一個新地標了，

聽說，還有租場煮食的考慮，到時朋友聚會就不用外吃，

可以由早玩到晚，不用被趕走了。

 

  

主人家有品味是人所共知，這裡找不到一樣東西是我不喜歡的，

相片我影了很多，不能盡post，總之一定優雅的，

 

 文妮(第一代網友)，在此祝你生意興隆，生活愉快，

隨著ybolg己結識，不要隨著yblog己消失，

大家保持聯繫，找另一個新地標，希望我們一班第一代網友，

友誼永固，大家都心想事成。

Wild Berries Palova

 今日再做蛋白餅，外型改善了小小，

要外帶，所以做6吋大，用了餅卷定型。

蛋白打得夠，好易定型。

焗完會有小小凹陷，正常的，正好用來放cream及生果。

cream今次加了乳酪，還是喜歡酸忌廉多些。

水果我今次加了小許酒、檸檬汁及砂糖混合 。

 

是做來參加文妮的生日會的。

7"蛋白餅 - 

蛋白113g, 糖116g, 2/3茶匙白醋或檸檬汁, 半湯匙粟粉

糖及粟米粉拌勻, 另一大碗打起蛋白, 分幾次加入糖, 最後加入檸檬汁打至起勾即可。

 
入盆, 做圓型也可，用140度焗一小時, 完成後打開焗爐至凍才取出。

忌廉餡 : 淡忌廉2/3杯打起加入1/3杯乳酪拌勻

放上忌廉餡加生果即成 

粉紅豆腐花

 一到了秋天，吃過晚飯後，總是想吃點甜品，

怕肥也刻意地減小整作，豆腐花也總算是最小糖份的，

用上了無糖豆漿，紅糖份量自行加減，都可以滿足到我的甜品慾。

 

 

平小很小花心思去做setting，今日心情好也試試。

豆腐花2碗份量

無糖豆漿500g (我在豆腐店買的)

石膏粉半茶匙

粟粉半湯匙

1) 豆漿煲滾

2) 在500g豆漿內取出3湯匙

3) 放在另一個碗內，用來開粉

4) 撞入豆漿用布蓋上，等10分鐘即可

紅酒炆牛尾

 雕花專員Bear Bear，彈咗個紅酒炆牛尾食譜比我，

搵哂成個 CWB都得Sogo先有貨，係和牛尾，

價錢當時貴啦，不過好好食。

同場加演鹽焗膏蟹，中秋節過日買，又係貴。

 

杏仁茶

 杏仁茶我唔喜歡在街食，因為通常都唔合我口味，

自己整都唔係咁難，只要打好杏汁就得。

南杏一碗，加北杏2湯匙，米2湯匙，

用6碗水打滑去渣，杏汁加冰糖煲滾即可，

喜歡的也可加蛋白，秋冬要潤就要飲佢。

杏仁渣其實都好有用架，做面膜最好。

伯爵茶戚風

好奈有整戚風，可能真係冇乜信心整，

如果出爐凹陷，真係好難受架，

今次幫朋友整一個，表面上睇冇乜問題，

但係切開都有一小部份沉底，真係唔知要研究到幾時先得。

食譜出自<<好吃戚風蛋糕輕鬆上手>>
材料:  (17 cm 中空模一個)
1. 紅茶茶葉A      1 大匙
2. 水                      30 ml
3. 牛奶                  90 ml
4. 蛋黃                 3 個
2. 砂糖                 70 g
3. 沙拉油             40 ml 
4. 低筋麵粉        80 g
5. 紅茶茶葉 B     1 大匙
6. 蛋白                 4 個
準備:
1. 低筋粉過篩備用.
2. 茶葉 B 搗碎.
3. 預熱焗爐 180 度.
做法:
1. 先將水及奶煮沸, 倒入茶葉 A後熄火, 蓋上蓋焗 3 分鐘.
2. 將茶葉過濾, 以量杯量 60 ml 的份量, 放涼備用.
3. 鋼盆裡放蛋黃, 加入 1/3 的砂糖拌至糖完全溶解. 再依序加入沙拉油. 奶茶. 茶葉 B和低筋粉混合, 用手動打蛋器攪拌至光滑柔潤.
4. 蛋白分次加入剩餘的砂糖打起.
5. 取 1/3 蛋白霜加入 (4), 用手動打蛋器輕手略拌勻.
6. 再將 (6) 加入餘下蛋白霜內用刮刀拌勻.
8. 用 180 度焗 30 分鐘.

天兔紫薯包

 天兔來臨，留在家中生產天酵包，

今之試"吐司麵包的烘焙技術"內的特優吐司，

自行加些紫薯粉，顏色靚靚又好食。

 

200g粉份量 6個

特高粉160g

高粉40g

雙酵40g

工房種20g

鹽4g

糖4g

煉奶0.4g

麥芽精0.6g

牛油8g

牛奶80g

水60g

紫薯粉10g

五仁月餅

 五仁月餅係我第一次整，同第一次食，

一見到啲材料要買咁多就唔想整，

好彩有人比咗啲材料我，咁唔洗去入貨就試下啦，

 又再定多2個模，今次叫佢雕深啲，個字當然會出啲， 

但係呢個係廣東皮，當然唔可以同酥皮相比，

左邊係新定，再改成直字排，焗完都幾滿意。

 

 

五仁月餅(6個份量@50g) 食譜來自Bonnie

皮 : 低粉90g    油20g   糖漿45g   鹼水1/8茶匙

全部混合，分成15g一份備用

餡: 合桃20g  松子20g   南瓜子15g  杏仁15g  花生20g

白芝麻5g    柿餅25g    糖冬瓜 20g    鹽小許

水25g    酒小許   糕粉15g

所有果仁炒香，加其他材料混合成團，分成25g一份，

包上皮，印模，噴水掃蛋汁，入爐190度焗15分鐘至上色即可。

定單

大仔係超級芝士迷，好多時都會叫我做芝士餅，

每次我也不會做太大個的，因為怕他一次過會吃完，

因為他說不愛街上大集團的食物，

愛我做的Homemake蛋糕，那聽了就不瞓也要做給他。

今次大少要我做給他的同學們試，

那就做多一個給姨甥吧，用了玻璃朱的文華酒店配方，

加上自己喜歡的藍梅醬，總算滿意。

文華芝士餅 6”1個  食譜來自玻璃珠

芝士餅材料：
卡夫牌忌廉芝士 －－－ 3００ｇ
糖  50ｇ
牛油3０ｇ　　
雞蛋 83ｇ

餅面配料：我用了藍梅醬

 酸忌廉5０ｇ約（多少隨意）
糖  1０ｇ約（多少隨意）

做法：
１）所有材料放室溫至暖及軟身
２）放入忌廉芝士及糖拌勻
３）牛油用微波爐弄融，再續少加入芝士內
４）雞蛋略拌勻（但不要打發起），再續少加入芝士內

５）攪拌至軟忌廉狀

６）放入已塗上牛油之焗盤內，用手輕微拋芝士盤在板上幾次，至氣泡被震出．（穿不了的氣泡可以牙籤弄穿）

７）平滑的芝士，放入焗爐用１４０度焗３０分鐘（用手指輕碰餅面不沾手指，餅中間按下時像海綿般即成）。若中間未熟，可以轉１２０度火再焗多十分鐘至熟，最重要用慢火焗熟餅心，不要弄焦。（若餅面太焦可蓋錫紙調至１００度焗至熟為止）

８）焗完後的芝士餅，拿出乘涼，或可放入雪櫃冰箱１０分鐘

９）用酸忌廉加糖拌勻，調至自己喜歡的甜度便可．塗在餅面上（餅邊留半吋位不要塗），再放入焗爐用上火焗３分鐘至酸忌廉變暖即成．